ШЫМКЕНТ. ҚазАқпарат- Еңбекші ауданы, Уалиханов көшесінде орналасқан жалпы көлемі 50 шаршы метрді құрайтын РП-11 трансформаторы толығымен жанып кетті, деп хабарлайды ҚазАқпарат тілшісі.
Оқиға орнына Төтенше жағдайлар департаментінің 12 қызметкері мен 3 дана техникасы жұмылдырылды.
«Зардап шеккендер мен қайтыс болғандар жоқ. Өрттің шығу себебі анықталуда. Өрттің салдарынан 413 тұтынушы электр қуатынан ажыратылды»- делінген Шымкент қаласы ТЖД қоғаммен байланыс тобы таратқан хабарламада.
Айта кетейік, кеше Шымкентте күннің ыстығынан көліктің газ балоны жарылған болатын. Алты жолаушы ауруханаға жеткізіліп, алғашқы көмек көрсетілді.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.