ШЫМКЕНТ. ҚазАқпарат - 102 телефонына хабарласқан жергілікті тұрғын Темірлан тасжолының бойындағы көпірден бойжеткен қыздың секірейін деп тұрғанын жеткізген, деп хабарлайды ҚазАқпарат тілшісі.
Кезекші бөлімнің инспекторы сол сәтте аталған аумақты патрульдеп жүрген полиция қызметкерлеріне хабарлаған.
Оқиға орнына дереу жеткен патрульдік полиция полкінің 10-шы ротасының инспекторлары Марат Исаханов пен Абылайхан Әбенов көпірдің қоршауында тұрған қызбен сөйлесіп, мұндай асығыс әрекет жасамау қажеттігін түсіндірген.
Бойжеткеннің көңілі бір сәт басқа жаққа ауғанын пайдаланған полицейлер оны ұстап алып, қауіпсіз жерге жеткізді.
Әрі қарай тәртіп сақшылары жедел жәрдем шақырған.
Қызбен профилактикалық әңгіме жүргізілді.
Бойжеткен жігітімен жанжалдасып, содан кейін осындай шарасыз қадамға барғанын айтты.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.