Си Цзиньпин Қытайдың жеке өзінің интернет жүйесін құру ісін жеделдетуді тапсырды
03:26, 10 Қазан 2016
АСТАНА. ҚазАқпарат - Қытай сенімсіз интернет-технологияларды жеке өзінің жүейсімен алмастыру бағытындағы стратегияны қалыптастыруды жалғастыруы керек. ҚХА басшысы Си Цзиньпин осындай ұсыныс көтерді, деп хабарлайды ҚазАқпарат Gazeta.ru сайтына сілтеме жасап.
«Біз жан-жақты қорғалған және өзіміздің тарапымыздан қадағаланатын ақпараттық технологияларды құру мен өндіру бағытындағы жұмыстарды жеделдетуіміз керек»,-деді Цзиньпин.
Оның сөзінше, Қытай бұл бағытта қазірдің өзінде қарышты қадамдар жасап үлгерді. Алайда, олар қауіпсіздік мәселесіне келгенде өзге мемлекеттердегідей деңгейге қол жеткізген жоқ.
Осыған дейін желі арқылы жасаған қылмыстары үшін Қытайда 4 айдың ішінде 3,4 мың адамның тұтқындалғаны айтылған.