АСТАНА. ҚазАқпарат - Австралияның Сидней қаласында өтіп жатқан теннистен халықаралық турнирде қазақстандық Михаил Кукушкин финалға шықты.
Чемпионат.ком сайтынан алынған мәліметке қарағанда, М.Кукушкин жартылай финалда әлемнің 28-інші ракеткасы, аргентиналық Леонардо Майерді 6:4, 6:4 есебімен ұтты. Енді қазақстандық теннисші финалда Люксембург елінің өкілі Жиль Мюллер немесе сербиялық Виктор Троицкидің бірімен чемпиондық атақ үшін таласады.
Айта кетейік, Сидней турнирінің жүлде қоры - 494,310 мың АҚШ доллары.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).