СІМ: Кемероводағы өрттен қаза болғандар арасында қазақстандықтар жоқ
«Алғашқы түскен ақпараттар бойынша, Ресейдің Кемерово облысындағы өрттен көз жұмғандар тізімінде қазақстандықтар жоқ. Қазір РФ ТЖМ зардап шеккендердің тізімін құрап жатыр. Біз ресми хат жібердік. Нақты деректер келген соң, тағы да хабарлаймыз»,-деді ведомствоның баспасөз қызметі.
Естеріңізге сала кетейік, Кемерово қаласындағы ойын-сауық сауда орталығынан шыққан өрттен, соңғы деректер бойынша 64 адам ажал құшқан.
Елбасы Нұрсұлтан Назарбаев осы қайғылы оқиғаға байланысты РФ Президенті Владимир Путинге көңіл айтты.
«Қазақстан халқының және жеке өзімінің атымнан қаза болғандардың жақындарына қайғырып көңіл айтамын. Зардап шеккендердің барлығының тез жазылып, аман-есен отбасыларымен қауышуын тілеймін»,-деп жазды Елбасы көңіл айту телеграммасына.
Фото: Максим Григорьев/ТАСС