«Өзбекстанның ҰҚШҰ құрамынан шығуы туралы мәселеге тоқталатын болсақ, аталған елдің Сыртқы істер министрлігі ұйымның хатшылығына тиісті нотаны жолдады. ҰҚШҰ хатшылығы бекітілген тәртіпте ұйымға мүше барлық елдерге хабарлады», - деді А.Әбибуллаев. Ресми өкілдің сөзіне қарағанда, аталған мәселе ҰҚШҰ жарғысына сәйкес шешілетін болады және бекітілген тәртіпте ұйымға мүше елдердің деңгейінде қарастырылады. «Осы мәселе ҰҚШҰ-ға қатысушы елдерге зерделеніп жатыр. Біздің тұрақты өкілдер бұл мәселені тұрақты әрі қалыпты жолмен талқылайтын болады», - деді ол.
14:08, 29 Маусым 2012
СІМ ресми өкілі Өзбекстанның ҰҚШҰ-дағы мүшелігін тоқтату туралы шешіміне байланысты түсініктеме жасады
АСТАНА. 29 маусым. ҚазАқпарат - Бүгін ҚР Сыртқы істер министрлігінің ресми өкілі Алтай Әбибуллаев Өзбекстанның Ұжымдық қауіпсіздік шарты ұйымында мүшелігін тоқтату туралы шешіміне байланысты түсініктеме жасады.