АСТАНА. 20 қаңтар. ҚазАқпарат - Сирияның негізгі оппозициялық тобы - Ұлттық сириялық коалиция елдегі дағдарысты шешуге арналған келіссөздерге Иран өкілдері қатысатын болса өздерінің бас тартатындығын мәлімдеді.
ВВС-дің хабарлауынша, аталған жиынға БҰҰ бас хатшысы Пан Ги Мун тарабынан шақырту алған Иран Сирия президенті Башар Асадтың жақтасы. Сондықтан да оппозиция бұл келіссөздерге олардың қатысуына қарсылық танытып отыр.
Айта кетейік, БҰҰ Бас хатшысы Пан Ги Мун Швейцарияда Сирияға қатысты өтетін жиынға Иран делегациясын шақырғандығын мәлімдеген болатын. Келіссөздер 22 қаңтарда басталады.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.