Сыртқы істер министрі Душанбедегі қазақ жауынгерлерінің ескерткішіне гүл шоқтарын қойды
АСТАНА. KAZINFORM – Тәжікстан Республикасына ресми сапарының екінші күні Қазақстан Премьер-Министрінің орынбасары – Сыртқы істер министрі Мұрат Нұртілеу бастаған Сыртқы істер министрлігінің делегациясы Қаза тапқан қазақстандық жауынгерлердің монументіне гүл шоқтарын қойды. Бұл туралы ҚР Сыртқы істер министрлігінің баспасөз қызметі хабарлады.
Фото: ҚР Сыртқы істер министрлігі
Қазақстандық батырларды еске алуға іс-шарасына тәжік тарапының өкілдері, оның ішінде Тәжікстанның МҰҚК Шекара әскерлерінің ардагерлері мен зейнеткерлері кеңесінің төрағасы генерал-лейтенант Сафарали Сайфуллоев, сондай-ақ елордалық мэрия басшылығы келді.
Фото: ҚР Сыртқы істер министрлігі
Қазақстанның Сыртқы саяси ведомствосының басшысы Душанбе қаласының басшылығына монументке ұқыпты қарағаны үшін алғыс айтып, азаматтарымыздың ерліктерін есте сақтауда одан әрі ынтымақтастыққа үміт білдірді.
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)