Петропавл қалалық сотының мәліметінше, сотталушы - Қызылжар ауданының мемлекеттік кірістер басқармасының басшысы М. деген адамды салық көрсеткіштерін өзгертуге көмектесемін деп алдап, 1 250 мың теңге ақшасын иемденіп кеткен.
Сотталушының кінәсі жәбірленушінің айғақтарымен, жазбаша материалдармен дәлелденді.
Прокурор сотталушыны өмір бойы тиісті органдарда қызмет атқару құқығынан айырып, 3 жыл 6 ай бас бостандығынан айыру жазасын тағайындауды сұрады.
Сотталушы кінәсін мойындады.
Жалпы қылмыстың бұл түрі үшін айыппұл немесе бас бостандығынан айыру түріндегі жаза көзделген.
Сот сотталушының жазасын жеңілдететін мән-жайды - оның шын жүректен өкінуі, жас баласы бар екенін есепке алды.
Ал қабылдаған антты бұзуы - қылмысты ауырлататын мән-жай деп танылады.
Сот сотталушыға заңсыз иеленген мүліктің 10 еселенген мөлшерінде айыппұл салуға жаза кесті. Айыппұл сомасы - 10 271 мың теңге.
Сондай-ақ экс-шенеунік өмір бойы мемлекеттік қызметте қызмет атқару құқығынан айырылды.
Ал 1 250 мың теңге мемлекет кірісіне тәркіленді.