Ветеринариялық бақылау және қадағалау комитетінің СҚО аумақтық инспекциясының мәліметінше, ветеринариялық қызмет ауылдық округ әкімдігімен бірге бүгін Аралағаш ауылына барды.
Жайылымда құс өлекселерінің шашылып жатқаны расталды.
Ауыл тұрғындары өлген құсты Аралағаш ауылының жанына 2-2,5 шақырым жерге осы елді мекендегі құс фабрикасының шығарғанын айтып отыр.
Ветеринарлық заңнамада мұндай әрекетке қатаң тыйым салынған. Өйткені қардың еріп, күннің жылынуымен үй жануарлары мен құстардың жұқпалы ауруларының таралу қаупі бар.
Мамандардың айтуынша, мал-құс өлекселелері осы мақсатқа арнайы бөлінген орындарда жойылуы керек.
Құс фабрикасының басшылығы жер асты суы жоқ аумақта тиісті талапты сақтай отыра өлекселерді көметін болды немесе жағу арқылы жоюға міндеттеме алды.
Қазіргі уақытта құс фабрикасы мен Петропавлдағы биоқалдықтарды жоятын серіктестік арасында тасымалдау және өлексені жою қызметін көрсетуге қатысты келісімшарт жасалды.
Сондай-ақ құс фабрикасының басшылығы Әкімшілік құқық бұзу туралы кодекстің 406-бабына сәйкес айыппұл түріндегі әкімшілік жауапкершілікке тартылмақ.