ПЕТРОПАВЛ. ҚазАқпарат - Солтүстік Қазақстан облысының құтқарушылары өрт орнынан жанып кеткен ер адамның мәйітін тапты, деп хабарлайды ҚазАқпарат ҚР ІІМ Төтенше жағдайлар комитетіне сілтеме жасап.
«23 желтоқсан күні Солтүсті Қазақстан облысы Ақжар ауданы Ленинградское ауылында жеке үй өртенді. 63 шаршы метрді шарпыған тілсіз жау сағат 01:38-де ауыздықталып, сағат 02:42-де толық сөндірілді. Оқиға орнынан 1964 жылы туған ер адамның мәйіті табылды. Өрттің алдын ала себебі - мас күйінде шылым шегу», - деп хабарлады ҚР ІІМ ТЖК баспасөз қызметі.
Ведомствоның хабарлауынша, оқиға орнына СҚО ТЖ департаментінің жеке құрамынан 7 адам және 2 техника жұмылдырылды.
Айжан Серікжанқызы
Айжан Серікжанқызы Қасым Л. Н. Гумилев атындағы Еуразия ұлттық университеті Журналистика және саясаттану факультетінің түлегі. Мамандық бойынша РФ Татарстанның Қазан қаласында, Польшаның Вроцлав қаласында тағылымдамадан өткен. 2017 жылдан бері ҚазАқпарат агенттігінде жұмыс істейді.