СҚО-да жолаушылары бар шағын автобус жолдан шығып кетті
«Mercedes Benz Vito» микроавтобусы Бішкектен Екатеринбургқа бет алған. Петропавл-Курган тасжолында Мамлют ауданының Покровка ауылына жақын қалғанда жүргізуші машинаны басқара алмай, жолдан шығып, орға түсіп кеткен.
Оқиға болған жерден 9 адам, оның үшеуі балалар эвакуацияланды. Олар жол маңындағы дәмханаға жылыну пунктіне жеткізілді. Қаза тапқандар мен зардап шеккендер жоқ. Машинаны жол қызметі қызметкерлері ордан итеріп шығарды.
Сол күннің өзінде дәл осы тасжолда Покровка және Краснознаменное ауылдары арасында Бішкектен Мәскеуге жол тартқан «Setra» автобусы сынып, тоқтауға мәжбүр болды. Автобуста 54 адам болды, оның 3-еуі балалар. Ауа райы жағдайына байланысты жолаушылар Мамлютка қаласының теміржол вокзалына көшірілді және оларға қазақ мектеп-интернатында ыстық тамақ берілді. Келесі күні жөндеу жасалған автобус жолаушыларын алып Ресей Федерациясының шекарасына дейін жол полициясының еріп жүруімен бағыты бойынша қозғалысын жалғастырды.