СҚО-да жыл соңына дейін балабақшаларда 800 орын ашылады (ФОТО)

None
ПЕТРОПАВЛ. ҚазАқпарат - Солтүстік Қазақстан облысында жыл соңына қарай балабақшаларда 800 орын ашылады.

«Ағымдағы жылы Ұлттық қордан бөлінген қаражатқа Петропавлда 320 орынға арналған балабақшаның құрылысы басталды. Сондай-ақ мемлекеттік-жекеменшік серіктестік аясында 800 орындық 3 балабақшаның құрылысы аяқталуға жақын», - деп хабарлады әкімдіктің баспасөз қызметінен.

Бүгінгі күні СҚО-да 23 080 балаға арналған 560 мектепке дейінгі мекеме жұмыс істейді.

Жаңа мекемелердің ашылуы 2015 жылдың басынан бері 414 бүлдіршінге мектепке дейінгі біліммен қамтамасыз етуге мүмкіндік берді.

2010-2014 жылдар аралығында СҚО-да «Балапан» бағдарламасының аясында 10 319 мектепке дейінгі мекеме ашылған.

2011- 2020 білімді дамыту туралы мемлекеттік бағдарламасы бойынша 2010-2014 жылдар аралығында балабақшаларға 2 млрд. теңгеден астам қаражат бөлінген.

Сондай-ақ Ұлттық қордан 1148 мектепке дейінгі жаңа орын ашуға 300 млн. теңге бөлінді.