СҚО экологтары табиғатқа зиян келтірудің 304 дерегін анықтады
СҚО Экология департаментінің мәліметінше, 95 нысаннан анықталған 304 деректің 254-і – рұқсат етілген концентрацияны асыруға байланысты. Қалған жағдайда шығарындылар рұқсат етілген шектен асырылған.
Сонымен қатар, 1 кәсіпорынға 42 мың теңге көлемінде айыппұл салынды. Жалпы сомасы 7 млн теңгенің 16 кінәрат-талабы ұсынылды.
Қоршаған ортаны мұнай өнімдерімен ластаудың 3 дерегі анықталып, кінәлілерден келтірілген шығын – 752 мың теңге өндірілді.
«Су, атмосфералық ауа және табиғи гамма-фон деңгейін тексеру мақсатында Петропавлдың және облыстың 26 нысанында мониторингілік бақылау жүргізілді. Оның 10-ы суға, 12-сі ауаға және 4-еуі табиғи гамма-фонға қатысты нысандар. Олардың ешқайсысында табиғатқа зиян келтіру деректері анықталмады», - дейді СҚО Экология департаменті бөлімінің бас маманы Елена Мазик.
Ал қыркүйек айында экологтар Полиция департаментімен бірге жедел-профилактикалық іс-шарасын өткізді. Мақсат – қоршаған ортаға көп мөлшерде улы газ бөлетін көліктерді анықтау. Нәтижесінде екі күн ішінде 22 автокөлік тексеріліп, 9-ына айыппұл салынды.