СҚО «ЭКСПО-2017» көрмесінде 8 инвестжоба ұсынады

ПЕТРОПАВЛ. ҚазАқпарат - Солтүстік Қазақстан облысының әкімдігінде өңір тұрғындарының «ЭКСПО-2017» көрмесіне баруын ұйымдастыру мәселесі талқыланды, деп хабарлайды «ҚазАқпарат» ХАА тілшісі өңір басшысының баспасөз қызметіне сілтеме жасап.

Кәсіпкерлік және туризм басқармасының жетекшісі Құралай Жарованың хабарлауынша, әрбір алтыншы солтүстікқазақстандық 10 маусым мен 10 қыркүйек күндері халықаралық ЭКСПО-2017 көрмесіне баруды жоспарлауда.

«Көрмені өткізуге дайындық барысында жолаушылар көлігі және автокөлік жолдары басқармасы «Жолаушылар тасымалы» АҚ, «Қазақстан темір жолы» ҰК» АҚ бірлесіп, көрме кезінде қосымша вагондар бөлу мәселесін шешті», - деп хабарлады Қ.Жарова.

Туристік фирмалар облыс тұрғындары мен РФ шекара маңындағы Қорған, Омбы, Түмен өңірлерінің тұрғындарына арналған бағыттарды құрды. Онда Астанадағы «ЭКСПО-2017» мен Солтүстік Қазақстан облысының түрлі туристік нысандары қамтылған.

«Қазақстан» павильонында СҚО өз өңірінде жүзеге асып жатқан 8 инвестициялық жобасын таныстырады. Олардың арасында «Зенченко и К» серіктестігінің жел-энергетикалық қондырғылары, Сергеевка ГЭС-і, Ахмутдинов ЖК отын түйіршіктері, «Сапро-Нат» ЖШС экологиялық қауіпсіз автономды жылыту кешені, «Тайынша Астық» биоотын қазандықтары, «Углежог» ЖШС жоғарык өміртекті ағаш көмірі бар.