Аталмыш батареяларды Израильдің StoreDot компаниясы жасап шығарған. Ұсынылған бейнероликте смартфон 26 секунд ішінде қуат алғанын көруге болады.
Конференцияда хабарланғанындай, аккумулятор қазір тек сынақ ретінде қолданылуда. Алдағы 3 жылдың ішінде компания оның өндірісін жолға қоюды жоспарлауда. Осы уақыт аралығында жасақтаушылар батареяның көлемі мен дизайнын өзгертуді көздеп отыр. Себебі қазіргісі тым үлкен әрі ауыр. Сонымен қатар супер-аккумулятордың бағасын белгілеу мақсатында маркетингтік зерттеу жүргізілмек.
Бүгіннің өзінде оның құны осы саладағы аккумуляторлардан әлдеқайда жоғары болатындығы белгілі болып отыр. Бағасына қолданылған қымбат материалдардың құны әсер етпек.