АЛМАТЫ. ҚазАқпарат - Лаңкестер «Қазақтелеком» ұлттық байланыс операторының кеңселерін басып алмақ болған. Бұл туралы «Қазақтелеком» АҚ басшысы Қуанышбек Есекеев мәлімдеді, деп хабарлайды ҚазАқпарат тілшісі.
«Алматыда және басқа қалаларда орналасқан кеңселерімізге бұқаралық байланыс құралдарын тартып алмақ болған теріс пиғылды содырлар шабуыл жасады. Біздің қызметкерлер деструктивті элементтерге қарсы тұра алды және барлық жүйелердің үздіксіз жұмысын қамтамасыз етті», - деді ол.
Қазіргі уақытта «Қазақтелеком» әдеттегідей жұмысын жалғастыруда.
Еске салсақ, лаңкестер Алматыдағы Орталық мемлекеттік мұражай мен Ұлттық кітапханаға шабуыл жасағанын, сондай-ақ, Алматыдағы халықаралық әуежайды басып алуға 800 адам қатысқанын хабарлаған болатынбыз.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.