АСТАНА. KAZINFORM - АҚШ-тың Норвуд қаласында мәнерлеп сырғанаудан халықаралық турнирде Софья Самоделкина қысқа бағдарламада екінші орын алды.
«Cranberry Cup International 2025» атты Челленджер сериясындағы халықаралық турнирінде ол 65.80 ұпай жинап, 20 спортшының ішінде 2-орынға жайғасты. Енді Софья еркін бағдарламада сынға түседі.
Әйелдер арасындағы жарыс Астана уақытымен сағат 18:00-де басталады.
Айта кетейік, бұл жарысқа 20 елден 99 спортшы қатысып жатыр. Осыған дейін Софья 2026 жылы Милан қаласында өтетін қысқы Олимпиадаға лицензия иеленген еді.
Айта кетейік, Софья Самоделкина 2026 жылғы Олимпиада ойындарына қатысу нормативін орындады. Ол үшін спортшы әлем чемпионатында топ-24 қатарына енуі қажет еді. Бұл көрсеткіштің ресми түрде расталуы кейінірек жарияланады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.