Солтүстік Корея Оңтүстік Кореямен байланыстыратын теміржол және автомобиль қатынасын біржола тоқтатпақ

АСТАНА. KAZINFORM – Сәрсенбіден бастап Солтүстік Корея республиканы Оңтүстік Кореямен байланыстыратын барлық автомобильдер мен темір жолдарды толығымен жауып тастайды. Бұл туралы Қытай орталық телеарнасы хабарлады. 

Корей Халық армиясының Бас штабы мәлімдеме жасап, онда «9 қазаннан бастап Оңтүстік Кореямен байланыстыратын темір жолдар мен автомобиль жолдарын толығымен жауып тастайтынын» және «қорғаныс құрылымдарын нығайту үшін бекініс жұмыстарын жүргізетінін» хабарлады.

Корей халық армиясының бас штабы да КХДР-дың Корея Республикасымен оңтүстік шекарасын біржола жауып, тосқауыл қою – өзін-өзі қорғау және ұлттық қауіпсіздік шарасы екенін мәлімдеді. 

Еске сала кетсек, Солтүстік Корея тағы да Оңтүстік Кореяға қоқыс толтырылған шарларды ұшырды. 

Мамыр айының соңынан бері Солтүстік Корея Оңтүстік Кореяға қарай 5000-нан астам шар ұшырды. Дүйсенбіде қоқыс салынған шамамен 120 шар ұшырылған. 

Оңтүстік Корея егер Солтүстік Корея өзінің жалғасып жатқан қоқыс шарлары науқанымен «сызықты кесіп өтсе» немесе оңтүстік кореялықтарға ауыр зиян келтірсе, «күрделі» әскери шара қолдануға уәде берді. 

Пхеньян бұл науқанды мамыр айының соңында бастады. Өз кезегінде Оңтүстік Корея 21 шілдеде дауыс зорайтқыштар арқылы үгіт-насихаттық хабар таратуды қайта бастады.