Сомали астанасында ұрыстар жүріп жатыр
19:31, 08 Желтоқсан 2011
АСТАНА. 8 желтоқсан. ҚазАқпарат. Сомали астанасы Могадишода уақытша үкімет әскерлері мен аль-Шабааб қозғалысының ислам жасақтары арасында қарулы қақтығысулар өтіп жатыр. Бұл туралы шетелдік ақпарат агенттіктері хабарлап отыр.
Куәгерлердің сөздері бойынша, екі жақ та артиллериялық зеңбіректерді қолданып жатыр. Могадишодағы қақтығысулар елдегі соңғы бірнеше ай ішіндегі ең ірісі болып отыр. Аль-Шабааб жасақтарына қарсы операцияға африкандық одақ әскерлері қатысуда.