Оның айтуынша, шамамен 6,5 миллион адам өткір азық-түлік тапшылығына тап болуы мүмкін.
Сомалиге сапары аясында Конвей үкімет өкілдерімен, БҰҰ тобы және гуманитарлық ұйымдар өкілдерімен кездесу өткізді.
Ол елдегі жағдайдың қаншалықты күрделі екенін көру үшін түрлі аймақтарды аралағанын айтты. Конвейдің сөзінше, құрғақшылықтан туындаған аштық пен дұрыс тамақтанбау дағдарысы барған сайын ауырлап барады.
Сонымен қатар ол Сомалиде соңғы үш жыл бойы жауын-шашынның аз түсуі салдары байқалып отырғанын жеткізді. Кей өңірлерде жаңбырдың басталуы үміт сыйлағанымен, гуманитарлық жағдайды айтарлықтай жақсарта алмаған.
Қазіргі таңда елде шамамен 6,5 миллион адам азық-түлік қауіпсіздігінің ауыр немесе өте ауыр мәселесіне тап болса, оның ішінде 2 миллионға жуық адам аштықтан зардап шегіп отыр.
Айта кетелік Сомалиде миллиондаған адам аштықтың зардабын тартып отырғаны туралы жазған едік.