АҚТӨБЕ. KAZINFORM – Ақтөбеде 2007 жылы туған қыз көпқабатты үйдің шатырынан секіріп кетті. Марқұм өзіне қол салмас бұрын хат жазып кеткен.
Ақтөбе облыстық ПД баспасөз қызметінің хабарлауынша, оқиға бүгін сағат 14:00–де болды.
Ақтөбе қаласы «Есет батыр» тұрғын алабында қыздың денесі табылды.
— Көпқабатты үйдің кіреберісінің алдында 2007 жылы туған қыздың мәйіті табылды. Алдын ала тергеу барысында оның үйдің шатырынан секіргені анықталды. Қыздың соңғы хаты бар. Сотқа дейінгі тергеп-тексеру басталды. Қажетті сараптамалар тағайындалды, — деп хабарлады Ақтөбе облыстық ПД баспасөз қызметінің жетекшісі Ерболат Сарқұлов.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.