Соңғы 8 жылда қазақстандық спорт клубтары промоутерлерге қанша сыйақы төледі
«Федерациялардың негізгі қызметі елімізде спорт түрлерін дамытуға және спортты ілгерілетуге бағытталған. Сонымен қатар, қазіргі уақытта спорт секцияларының, спорт мектептерінің, спорт клубтарының және спорт саласында жұмыс істейтіндердің санын есепке алу бойынша федерациялардың функциясы заңнамалық тұрғыдан анықталмаған. Сонымен қатар, қазіргі уақытта промоутерлік компаниялар аралас жекпе-жек, жұдырықтасу және ережесіз жекпе-жек бойынша коммерциялық турнирлер ұйымдастыруда. Промоутерлік компаниялар турнирлер ұйымдастырып қана қоймай, осы бағыттарға көп қаражат жұмсайды, залдар ашады, спортшыларды жаттықтырады және бүкіл индустрияны қалыптастырады. Алайда, спорт агенттері мен промоутерлердің қызметі мәселесі заңнамалық деңгейде реттелмеген», - делінген құжатта.
Министрлік ақпаратына сай, Қазақстан футбол федерациясы өздерінің делдалдарымен жұмыс істеу тәртібі мен ережесін бекіткен.
Енді қалған клубтар да спорт агенттерімен әріптестік жөніндегі регламентін айқындауы тиіс.
«Агенттер талаптқа сай болуы керек. Мысалы, футбол қоғамдастығы саласында негізгі шарттардың бірі - агенттік комиссияның 10%-15%-ы бойынша FIFA тарапынан лицензияның болуы және талаптардың сақталуы. Сонымен қатар, Қазақстан футбол федерациясы өздерінің делдалдарымен жұмыс жөніндегі регламентін бекіткен. Ол өз кезегінде ФИФА-ның делдалдармен жұмыс жөніндегі регламентінің талаптары негізінде әзірленді. Алайда, бұл нормалар тек корпоративтік. Тиісінше, спорт агенттері мен промоутерлердің қызметін, қаржы ағынын ретке келтіру оң әлеуметтік-экономикалық нәтижеге әкеледі. Мысалы, 2015 жылы клубтар спорт агенттеріне 200 мың доллар сыйақы төленген. Ал 2016 жылы - 829 370 доллар, 2017 жылы - 553 000 доллар, 2018 жылы - 930 922 доллар, 2019 жылы - 428 922 доллар, 2020 жылы - 808 174 доллар, 2021 жылы – 238 533 доллар, 2022 жылы - 513 573 доллар төленді», - деген дерек келтірілген.
Бұған қоса, тиісті құжатта 2000-2021 жылдар аралығында Олимпиада ойындарында ұлттық құрама спортшылары жеңіп алған лицензия саны 111-ден 98-ге дейін қысқарғаны және оған қандай факторлар себеп болғаны жазылған.