АСТАНА. KAZINFORM — Қазақстандық, әлемнің 1246-ракеткасы, 18 жастағы Соня Жиенбаева Анталия (Түркия) ITF W15 турнирінің жартылай финалына шықты.
Қазақстандық теннисші ширек финалда дүниежүзілік рейтингіде 1001-орында тұрған Аустрия өкілі Мавие Остерейхермен жолықты.
Бірінші партияда Жиенбаева бет қаратпады — 6:1.
Екінші сетте есеп 1:0 болған мезетте қарсыласы бәсекені жалғастырудан бас тартты.
Соня Жиенбаева финалға шығу үшін словакиялық Каролина Мзариковамен таласады.
Ол ширек финалда отандасы, әлемнің 933-ракеткасы Ирина Балусты қапы қалдырды — 6:3, 6:4.
Еске сала кетейік, бұдан бұрын теннистен Билли Джин Кинг кубогінің іріктеу матчында Жапонияның 2:0 есебімен алға шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).