НҰР-СҰЛТАН. ҚазАқпарат - Сот Мұхтар Жәкішевке әділ шешім шығаратындығына сенімдімін. Қазақстан Президенті Қасым-Жомарт Тоқаев informburo.kz ақпараттық-сараптамалық порталына берген эксклюзивті сұхбатында осылай айтты, деп хабарлайды ҚазАқпарат тілшісі.
Мемлекет басшысы М.Жәкішевке қатысты мәселе тек қана соттың құзіретінде екендігін баса атап өтті.
«Әрине, Жәкішевтің денсаулығына байланысты шартты түрде мерзімінен бұрын босату туралы бірнеше рет жүгінгені маған да белгілі. 3 наурызда бірінші сатыдаға сот отырысы өтеді. Соның шешімін күтейік. Мен оның әділ болатындығына сенімдімін», – деді Қасым-Жомарт Тоқаев.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.