Алдымен Антикор өкілі Сәкен Мусайбековтың алаяқтық жасағаны үшін сотталғанын еске салды. Бірақ, ол кезде Қылмыстық кодекстің 189-бабының 4-бөлігі (аса ірі көлемде алаяқтық жасау) сыбайлас жемқорлық бабы болып саналмаған.
— Қазір аталған 189-баптың 4-бөлігі сыбайлас жемқорлық сипатындағы қылмыс қатарына жатады. Енді аталған бап бойынша сотталған барлық тұлға мемлекеттік қызметте, квазимемлекеттік секторда және басқа да салаларда жұмыс істеу құқығынан өмір бойына айырылады, — деп түсіндірді Антикор өкілі Данияр Бигайдаров ведомствода өткен баспасөз мәслихатында.
Сондай-ақ агенттіктің ресми өкілі заңнама 2022 жылы Сыбайлас жемқорлыққа қарсы қызметтің бастамасымен енгізілген өзгерістерден кейін қабылданғанын айтты.
Айта кетсек, Сәкен Мұсайбеков «Барыс» хоккей командасының бас директоры қызметіне биыл 18 маусымда тағайындалды.