Бортында ғарышкер Кононенко, американдық астронавт Челл Линдгрен және жапондық JAXA ғарыш агенттігінің маманы Кимия Юи бар басқарылатын "Союз-ТМА17М" ғарыш кемесі ХҒС-ға 21 желтоқсанда оралуы тиіс еді, бірақ кеменің қонуы 11 желтоқсанға ауыстырылған. Ұшуды басқару орталығынан кеменің қонуы 11 желтоқсан күні сағат 16:09-ға жоспарланғанын түсіндірді.
«Бізде ұшу басшысының болашақ жүк кемелерінің старттары және біздің қонуымыздың алдын ала даталары жазылған радиограммасы бар. Оны бекіткенде бәрі белгілі болады, бірақ, әрине, ертерек оралатынымызға аздап көңіліміз түсті. Алайда бағдарламаның аты бағдарлама, оралған кезде, оңалып, жаңа старттарға дайындаламыз», - деді Кононенко «Халықаралық ғарыш стансасының 15 жылдығын атап өту бойынша «Мәскеу-ХҒС» баспасөз конференциясы кезінде.
ХҒС-ын құруда 14 ел: АҚШ, Ресей, Жапония, Канада, Италия, Бельгия, Нидерланды, Дания, Норвегия, Франция, Испания, Германия, Швеция және Швейцария қатысып отыр. Алғашқыда қатысушылардың арасында Ұлыбритания мен Бразилия да болған, бірақ олар кейін жобадан шығып кетті.