«Қазақстанда лотерея нарығы «ұйқыда» жатыр. Он жыл бұрын қалай болса, әлі де солай. Осыны заң арқылы реттегіміз келеді. Сосын халық әлгі лотерея арқылы өздерінің спортты дамытуға, жаңа нысандар салуға қаржысы жұмсалатынын білсе, онда белсенділік те арта түседі деп ойлаймыз. Біз лотерея нарығындағы қаржы айналымын жыл сайын 30 пайызға арттыруды жоспарлап отырмыз», - дейді агенттік басшысы. Бұл ретте Е. Қожағапанов лотерея нарығында айналым көрсеткіші артқан сайын, осы арқылы мемлекеттік бюджетке де, бұқаралық спортқа жұмсалатын шығындар да арта түсетінін мәлімдеді.
Еске сала кетсек, агенттік басшысы Е. Қожағапановтың айтуынша, қазіргі таңда Қазақстандағы лотерея нарығының жылдық айналымы 5 млрд. теңгені құрайды.