НҰР-СҰЛТАН. ҚазАқпарат - 3-9 шілде аралығында спорттық құзға өрмелеуден кезекті Әлем кубогі кезеңіне қатысатын қазақстандық спортшылардың есімі белгілі болды, деп хабарлайды ҚазАқпарат.
ҚР Ұлттық Олимпиадалық комитеттен мәлім еткендей, кезекті әлем кубогі Швейцарияның Вилларс қаласында өтпек.
Аталған додада ел намысын ұлттық құрама мүшелері Ришат Хайбуллин мен Әмір Маймұратов қорғамақ.
Айта кетейік, 2018 жылы өткен Жасөспірімдер Олимпиадасында тұңғыш рет спорттық құзға өрмелеу мен брейк-данстан жүлде сарапқа салынған болатын. Ал скейтбординг, спорттық құзға өрмелеу және серфинг 2020 жылғы Токио Олимпиадасының бағдарламасына еніп отыр.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.