Сталиндік қуғын-сүргінді кешіру мүмкін емес – Мемлекет басшысы

None
НҰР-СҰЛТАН. ҚазАқпарат - Сталиндік қуғын-сүргінді кешіру мүмкін емес. Бұл туралы Мемлекет басшысы Қасым-Жомарт Тоқаев «31арнада» көрсетілген «Президент 2.0» деректі фильмінде айтты, деп хабарлайды ҚазАқпарат тілшісі.

Деректі фильм барысында Қазақстан Президенті әкесі Кемел жайында сөз қозғайды.

«Олөмірінің соңына дейін, соғыста жеңгені үшін Сталинге риза болып өтті. Бұл жердеүлкен қарама-қайшылық туындап тұр. Бір жағынан алып қарағанда, ол Сталинніңкесірінен жетім қалды. Ал екінші жағынан алып қарасақ, ол Сталинді Кеңес одағыҚарулы күштерінің Ұлы қолбасшысы деп санады», - деді Мемлекет басшысы.

Осы орайда,Қасым-Жомарт Тоқаев журналистің «Сізүшін Сталин кім?» дегенсауалына жауап берді.

«Мен үшінСталин, әрине ірі тарихи тұлға. Бірақ, кез келген ірі тарихи тұлға сияқтыСталиннің де қарама-қайшы жақтары болды. Жаппай қуғын-сүргін, соның ішіндеҚазақстан жеріндегі қуғын-сүргінді кешіру мүмкін емес. Сталиннің сойылын соққан шолақ белсенділердіңқолынан көптеген қазақтың зиялы қауым өкілі түрмеде жазықсыздан жазықсыз қазатапты. Екінші жағынан әкеммен де келісемін. Ел басына күн туған кезде Кеңесодағын басқарып, елді жеңіске жеткізді», - деді Қазақстан Президенті.