АСТАНА. ҚазАқпарат - Инхчонда өтіп жатқан Азия ойындарында 21 қыркүйектегі Қазақстанның бірінші медалін стенд атудың шебері иеленді.
Sports.kz мәліметінше, шымкенттік мерген Андрей Могилевский трап жаттығуында Азиаданың қола жүлдегері атанды. Ол медаль үшін тартыста ливандық Валид Эль Надджардан басым түсті.
Кейінірек «алтын» жүлде үшін жартылай финалда үздік көрсеткішге қол жеткізген Кувейт мергені Альдихани Фехайд пен қытайлық Гао Бо таласатын болады.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.