Стенд атудан Қазақстан құрамасы Париж Олимпиадасына жолдама алу үшін бірнеше халықаралық жарыстарға қатысады, деп хабарлайды Kazinform.
Бүгінде ел құрамасы Катар астанасы Доха қаласында оқу-жаттығу жиынын өткізіп жатыр. Одан кейін қазақстандық 12 мерген Кувейтте өтетін лицензиялық Азия чемпионатында бақ сынайды. Құрлықтық дода «скит» және «трап» бағдарламасы бойынша өтеді. Құрлықтық дода аяқталғаннан кейін рейтингілік әлем кубогі кезеңдері жалғасады. Мұндай жарыстар Египет, Марокко, Катар мемлекеттерінде олимпиадалық ұпай беретін жарыстар өткізіледі.
Кубоктік турнирлерде рейтингілік ұпай беріледі. Ал Катарда өтетін әлем кубогінде бірден жолдама сарапқа салынады. Алғашқы үш орынды иеленген спортшылар Олимпиадаға бірден жолдама алады.
Еске салсақ, бұдан бұрын садақ атудан Қазақстан ерлер құрамасы Олимпиадаға баратыны белгілі болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.