ОРАЛ. ҚазАқпарат - Оралда жұмыс орнында күйік жарақатын алған әйел қаза тапты, деп хабарлайды ҚазАқпарат тілшісі.
Батыс Қазақстан облысы Төтенше жағдайлар департаментінің баспасөз қызметінен түскен мәліметке қарағанда, оқиға 30 қараша күні таңмен «Құрылысшы» шағынауданы, 2/1 мекенжайында орналасқан стоматология ғимаратында болды.
Осында белгісіз затпен ғимаратты жинап жүрген 31 жастағы әйел 90-92 пайыз күйік жарақатын алған.
Әйел сағат 08.34-те қалалық көпбейінді ауруханаға жеткізілді. Алайда ол есін жимастан, сағат 12.30-да жансақтау бөлімінде көз жұмды.
Облыстық Денсаулық сақтау басқармасының нақтылауынша, әйел мас күйде болған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).