АСТАНА. ҚазАқпарат - Болгария астанасы София қаласында өтіп жатқан бокстан халықаралық «Страндж-2023» турнирінде екінші жарыс күні аяқталды, деп хабарлайды ҚазАқпарат тілшісі.
Ел құрамасынан 21 ақпанда 1/16 финалда кешкі сессияда үш былғары қолғап шебері шаршы алаңға шықты. Олардың қатарында Тезек Темірхан (67 келі) болгариялық Пламен Янковты 4:1, 86 келі Бекзат Таңатаров үндістандық Картикті 5:0 есебімен жеңіп, жарысты келесі сатысына шықты.
Ал 54 келіде Бекзат Алдамжаров Бекзат франциялық Биллал Беннамаға 0:5 еесбімен есе жіберіп, жарыстан тыс қалды.
Сондай-ақ, күндізгі сессияда 57 келіде Оразбек Асылқұлов ирландиялық Джуд Галлахерді, 63,5 келіде Ертуған Зейнуллинов испаниялық Конде Ойер Ибарречені орта жолда қалдырып кетті.
Ал 20 ақпанда Ерасыл Таңқай (60 келі) италиялық Даниэле Салерноны тізе бүктірді.
Еске салсақ, аталған жарыста қазақстандық 13 былғары қолғап шебері ел намысын қорғайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.