АСТАНА. KAZINFORM – Болгария астанасында өтіп жатқан бокстан халықаралық «Странджа кубогінің» төртінші жарыс күнінде тағы бір қазақстандық боксшы Ерасыл Жақпеков жартылай финалға шықты.
80 келіге дейінгі салмақта жұдырықтасатын отандасымыз ширек финалда Ирландия боксшысы Джеймс Уэланды жарыс жолынан шығарды. Текетіреске толы өткен жекпе-жекте Ерасыл қарсыласын 4:1 есебімен қапы қалдырды.
Ерасыл Жақпеков Қазақстан ерлер құрамасынан жартылай финалға шыққан 9-боксшы.
Осыған дейін Бекзат Нұрдәулетов, ағайынды Нұрбек Оралбай мен Айбек Оралбайлар, Теміртас Жүсіпов, Даниал Сәбит, Мұхаммедсабыр Базарбайұлы, Ертуған Зейнуллинов және Тимур Нұрсейітов жартылай финалға шығып үлгерді.
Демек, қоржынымызда әзірге кем дегенде 9 жүлде тұр деп сеніммен айтуға болады. Жекпе-жек жалғасып жатыр.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.