АСТАНА. KAZINFORM - Су добынан әлем чемпионатына қатысатын Қазақстан ерлер және әйелдер құрамалары 2024 жылғы Париж Олимпиадасына жолдамаларды сарапқа салады. Әйелдер арасындағы әлем чемпионаты 4-16 ақпан аралығында Катар астанасы Доха қаласында болады.
Қазақстандық спортшылар алдын ала іріктеу сатысында А тобында Бразилия, АҚШ және Нидерландпен шеберлік байқасады. Ал В тобында Испания, Грекия, Қытай, Франция, С тобында Сингапур, Венгрия, Австралия және Жаңа Зеландия, D тобында Италия, Оңтүстік Африка, Ұлыбритания, Канада ойнайды. Сондай-ақ ерлер арасындағы әлем чемпионаты D тобында Румыния, Италия және Венгриямен кездеседі.
А тобында Австралия, Оңтүстік Африка, Хорватия, Испания, В тобында Грекия, Бразилия, Қытай, Франция, С тобында Сербия, Черногория, Жапония мен АҚШ шеберлік байқасады.
Айта кетсек, су добынан еліміздің ерлер құрамасы Қытайдың Ханчжоу қаласында өтіп жатқан Азия ойындарында қола жүлде алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.