АСТАНА. ҚазАқпарат - Су добынан еліміздің ерлер және әйелдер құрамасы Таиландта өтетін Азия чемпионатына қатысады, деп хабарлайды ҚазАқпарат тілшісі.
Құрлықтық дода биылғы жылдың 7 және 14 қараша аралығында өтеді. Онда ерлер арасында 11, әйелдер арасында 7 құрама бақ сынайды деп жоспарланып отыр.
Ерлер арасында Таиланд, Өзбекстан, Иран, Қытай, Сингапур, Кувейт, Жапония, Гонконг, Оңтүстік Корея, Үндістан және Қазақстан өзара шеберлік байқасады.
Ал әйелдер арасында Таиланд, Өзбекстан, Қытай, Сингапур, Жапония, Оңтүстік Корея және Қазақстан жүлделерді сарапқа салады.
Бұл Жапонияның Фукуоке қаласында өткізілетін әлем чемпионатына іріктеу сатысы болмақ.
Еске салсақ, биыл су добынан әлем чемпионатында еліміздің әйелдер құрамасы 11-орын алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.