НҰР-СҰЛТАН. ҚазАқпарат - Су добынан Қазақстан әйелдер құрамасы Италияның Триест қаласында Токио олимпиадасына іріктеу турнирінде бақ сынайды, деп хабарлайды ҚазАқпарат тілшісі.
Ойындар 19-24 қаңтар аралығында өткізіледі. Қазақстан құрамасы В тобында сынға түседі. Қарсыластары - Грекия, Венгрия және Израиль құрамалары. Қазақстандық спортшылар 19 қаңтарда Грекиямен шеберлік байқасса, 20 қаңтарда Венгриямен ойнайды. Ал 21 қаңтарда Израильмен кездеседі.
Ал А тобында Нидерланды, Италия, Франция және Словакия құрамалары сайысқа түседі.
Одан кейінгі күндерде плей-офф кезеңі өткізіледі. Олимпиадаға екі жолдама беріледі.
Естеріңізге сала кетелік, Қазақстан құрамасы Олимпиадада екі мәрте бақ сынады. 2000 жылы - 6, 2004 жылы - 8 орын алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.