АСТАНА. ҚазАқпарат - Су добынан Қазақстанның әйелдер мен ерлер құрамасы Жаңа Зеландияның Окленд қаласында өтіп жатқан Әлемдік лиганың Құрлықаралық кубогында тағы да жеңіліс тапты, деп хабарлайды ҚазАқпарат.
ҚР ҰОК-нің баспасөз қызметі таратқан мәліметтерге сүйенсек, жарыстың үшінші күні ерлер құрамасы Австралия командасынан 21:6 есебімен ойсырай ұтылса, әйелдер құрамасы қытайлық ватерполшыларға 9:6 есебімен есе жіберді.
Естеріңізге сала кетейік, осыған дейін отандастарымыз АҚШ құрамасына қарсы кездесуде 6:13 есебімен ұтылып қалса, алғашқы жарыс күні Австралия құрамасына 3:10 есебімен жеңіліп қалғанын жазған болатынбыз.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.