18:05, 05 Наурыз 2024

Су спортынан Азия чемпионаты: Көркем жүзуден Қазақстан құрамасы чемпион атанды

АСТАНА. KAZINFORM – Филиппиннің Нью-Кларк-Сити қаласында су спорты түрлерінен өтіп жатқан XI Азия чемпионатында көркем жүзуден Қазақстан құрамасы чемпион атанды.

Фото: Спортты дамыту дирекциясы

Нақтырақ айтсақ, көркем жүзуден Даяна Джаманчалова мен София Ищенко жұбы (13-15 жас тобы) еркін бағдарламада қарсылас шақ келтірмей бас жүлдені жеңіп алды.

Фото: Спортты дамыту дирекциясы

Көркем жүзу. Жұп. Еркін бағдарлама

1-орын – Қазақстан - Даяна Джаманчалова/София Ищенко - 233.5413

2-орын – Қытай - Жихуан Йе/Жиян Ку - 229.6568

3-орын – Өзбекстан - Жасмина Кодирова/Сабина Махмудова - 194.8469.

Айта кетейік, аталған Сарықұрлық додасына 45 мемлекеттен 12-18 жас аралығындағы жас спортшылар мен ересектер қатысып жатыр.

26 ақпан күні басталған Азия чемпионаты 9 наурыз күні мәресіне жетеді.

Азия чемпионаты Медаль Спорт Су спорты Филиппин

Күнсұлтан Отарбай

Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған. 2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист. Сейдақмет Бердіқұлов атындағы арнайы сыйлықтың лауреаты.