АСТАНА. KAZINFORM – Сыбайлас жемқорлыққа қарсы қызмет су тасқынының салдарын жоюға және алдын алуға бағытталған бюджет қаражатын бөлу және оның жұмсалу барысына мониторинг жүргізеді. Бұл туралы Сыбайлас жемқорлыққа қарсы іс-қимыл агенттігі төрағасының көмекшісі, ресми өкіл Данияр Бигайдаров мәлім етті.
Ресми өкілдің айтуынша, бүгінде Антикор өкілдері Батыс Қазақстан және Қостанай облысындағы су тасқынын жою процесіне белсенді қатысуда.
«Су тасқыны саласындағы фактілердің алдын алу мәселесі ерекше бақылауда. Сыбайлас жемқорлыққа қарсы қызмет тұрақты негізде бюджет қаражатының бөлінуі мен оның игерілуіне мониторинг жүргізеді. Қазіргі уақытта Прокуратура органдары су тасқыны фактілері бойынша тексерулер жүргізіп жатыр», - деді Данияр Бигайдаров ведомствода өткен брифингіде.
Дәулет Ізтілеу
Ы.Алтынсарин атындағы Арқалық мемлекеттік педагогикалық институтының түлегі. Бұған дейін "Қазконтент" АҚ e-history порталында тілші, "Елорда инфо" ақпарат порталында тілші болған. 2018 жылдан бері Kazinform халықаралық ақпарат агенттігінің тілшісі.