Су тасқыны мәселесі аса күрделі болып тұр - В. Божко

АСТАНА. 5 наурыз. ҚазАқпарат - Бүгінде Қазақстанда су тасқыны мәселесі аса күрделі болып тұр. Себебі қар көп.

Бұл туралы бүгін Үкімет отырысынан кейін ҚазАқпарат тілшісіне сұхбат берген ҚР Төтенше жағдайлар министрі Владимир Божко мәлім етті.

Әсіресе, Шығыс Қазақстан облысының жағдайы қиын. «Бұл өңірде күнде 3-4 рет қар көшкіні өтеді. Соның салдарынан жолдар жабылып қалады. Абырой болғанда, әзірге құрбан болған азаматтар жоқ»,-деп атап көрсетті В. Божко.