Судья Трамптың адамдарды депортациялау бойынша өкілеттігін шектеді

АСТАНА. KAZINFORM – Федералды судья Трамп әкімшілігіне бес венесуэлалық азаматты депортациялау үшін 18 ғасыр заңын қолдануға тыйым салды, деп хабарлайды NBC News. 

Дональд Трамп америкалық президентке адамдарды елден заңсыз депортациялауға кең ауқымды өкілеттіктер беруі мүмкін 1798 жылғы Шетелдік жаулар туралы заңға жүгінбек болды.

Колумбия округі аймақтық сотының бас судьясы Джеймс Боасберг венесуэлалық бес азаматтың апелляциялық шағымынан кейін 14 күн бойы депортациялауға жол бермейтін уақытша сот шешімін шығарды.

Бірнеше сағаттан кейін Трамп әкімшілігі ешқайда кетпеу туралы бұйрыққа шағым түсірді.

Бұл жағдай көптеген сот ісін қозғады. Осылайша, Лос-Анджелес иммиграциялық адвокаты Ахилан Аруланантам венесуэлалықтарды заңсыз депортациялауға тосқауыл қоюды талап етіп, екі өтініш берді.

1798 жылғы заң президентке кез келген шетелдікті сотсыз депортациялауға, кез келген азаматты жау деп жариялауға және Конгресс пен үкіметке жала жабуды қылмыстық жауапкершілікке тартуға құқық береді.

Бұған дейін АҚШ-тан жартысы кәмелеттік жасқа толмаған 135 заңсыз иммигрант депортацияланғаны хабарланған болатын.

Бұған дейін АҚШ 135 заңсыз мигрантты депортациялайтынын, олардың жартысы балалар екенін жазған болатынбыз.