Суық пен аяз Түркияны лимон экспортын тоқтатуға мәжбүр етті

АНКАРА. KAZINFORM – Түркияның кейбір аймақтарындағы суық ауа райы мен аяз лимон экспортының тоқтатылуына әкелді. Тиісті шешімді 7 сәуірде Түркияның Сауда министрлігі мәлімдеді, деп жазады АЗЕРТАДЖ.

Ведомство мұндай шешімді өнімділіктің төмендеуі аясында ішкі сұранысты жабу және цитрус өнімдері бағасының алыпсатарлық өсуіне жол бермеу қажеттілігімен түсіндірді.

Сауда министрлігі азық-түлік қауіпсіздігі саясаты аясында Түркиядан лимон экспортының уақытша тоқтатылатынын түсіндірді.

– Жыл мезгіліндегі, әсіресе Адана, Мерсин және Хатай сияқты провинциялардағы қалыпты ауа райы жағдайларын ескере отырып, 8 сәуірден бастап лимон экспортын тоқтату туралы шешім қабылданды. Сауда министрлігі нарықтағы жағдайды мұқият қадағалайды және қажет болған жағдайда қосымша шаралар қабылдайды, – деп мәлімдеді ведомство.

Айта кетейік, АҚШ бағаны төмендету үшін Оңтүстік Корея мен Түркиядан жұмыртқа импорттай бастағанын жазған едік.