Белгілі болғандай, кәмелетке толмаған А. өз-өзіне қол жұмсаудың алдында интернетте алты түрлі түйіндер туралы материалды және қайта туу туралы манхва нұсқаулығын қараған.
Манхва – бұл Оңтүстік Кореяда кеңінен танымал комикс, ол корей мәдениетін, дәстүрлерін және ойлау тәсілін бейнелейді.
Манхва концепциясы жаңа денеде, ұқсас әлемде немесе өткен өмірінде қайтадан өмір сүру мүмкіндігін насихаттайды.
"Өз-өзіне қол жұмсауды насихаттау белгілерінің болуына байланысты 2024 жылдың 8 қазанында Аршалы ауданының прокуратурасы Қазақстан Республикасы Қылмыстық кодексінің 313-1 бабы бойынша сотқа дейінгі тергеуді бастады", - деп хабарлады Ақмола облысының прокуроры Руфат Құттықов.
Қылмыстық істі тергеу арнайы прокурорға тапсырылып, тергеу барысы бақылауға алынды.
Қазақстан Республикасының Қылмыстық-процестік кодексінің 201-бабының талаптарына сәйкес басқа ақпарат жариялауға жатпайды.
Осындай жағдайларды болдырмау мақсатында ата-аналарды (қамқоршыларды) балалардың гаджеттерді пайдалануын бақылауға шақырамыз, тек пайдалану уақытын шектеу ғана емес, сұраулардың тақырыбын да тексеру маңызды.
Айта кетейік, бұған дейін Ақмола облысында 14 жасар қыз өз-өзіне қол салғанын жазған едік.
Ақмола облысы ПД баспасөз қызметінің мәліметінше, оқиға қазанның 1-інде Аршалы ауданының Жібек жолы ауылында болған.