Албания астанасы Тиранада грек-рим күресінен 23 жасқа дейінгі жастар арасында өтіп жатқан әлем чемпионатында Сұлтан Әсетұлы жеңімпаз атанды, деп хабарлайды Kazinform.
Финалда түркиялық Мұстафа Йылдырыммен белдескен Сұлтан 67 келіге дейінгі салмақта үздік шықты.
Тағы бір қазақстандық балуан Исхар Курбаев 55 келіге дейінгі салмақта финалға жолдама алды. Ол жартылай финалда Еуропа чемпионы, түркиялық қарсыласын жолдан тайдырды. Исхар енді алтын жүлдеге таласады.
Еске сала кетейік, бұдан бұрын жастар арасындағы әлем чемпионатында Сұлтан Әсетұлының финалға шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).