Супермаркеттер желісі Рамазанға орай сыйлық жасады

АСТАНА. ҚазАқпарат - Ұлыбританияның Лондон, Манчестер, Брэдфорд және Бирмингем қалаларындағы 20-ға жуық мешітке қасиетті Рамазан айына орай елдегі ірі супермаркеттер желісі сыйлық жасап отыр, деп хабарлады. Muslim.kz.

«Tesco» деп аталатын компания құлшылық ордаларына жалпы бағасы 30 мың долларды құрайтын азық-түлік қорын таратып берген. Ауызашар дастарханын дайындауға қажетті ұн, күріш, күнбағыс майы және басқа азық-түлік түрлерін беріп отырмыз дейді компания өкілі.

«Рамазан - барша мұсылмандар үшін қасиетті ай. Ал, біздің келушілер мен достарымыздың қаншамасы мұсылмандықты ұстанады. Сондықтан да біз жыл сайын Рамазан кезінде азық-түлік тағамдары мен дайын тамақтардың бағасын өзіміздің 300 супермаркетімізде төмен бағамен сатамыз. Ал, биылғы жылы тек жеңілдікпен шектелмей, мешіттерге көмектесуді ұйғарып отырмыз», - дейді компания менеджері Мэтт Клар.