Шіркін, соларға қазіргі композиторлар ән жазса, бізде де соғыс туралы әндердің үлкен блогы пайда болар еді.
Бұл туралы бүгін ҚР Ұлттық академиялық кітапханасында «5 тағдыр - 5 кеш» жобасы аясында көрнекті ақын, Мемлекеттік сыйлықтың лауреаты Сырбай Мәуленовтың 90 жылдығына арналған «Жыр - Бәйтерек» атты әдеби кеште ҚР халық ақыны Қонысбай Әбіл айтты.
Әдеби кешке ақынның ұлы, заң ғылымдарының докторы, профессор Ғазиз Мәуленов, ақын-жазушылар Нұрғожа Ораз, Төлен Әбдік, Серік Тұрғынбекұлы және тағы басқа қоғам қайраткерлері, сондай-ақ Астанадағы С. Мәуленов атындағы мектеп пен басқа да білім ошақтарының оқушылары болды.
Шараға орай кітапхана қызметкерлері «Сыршыл жырдың саңлағы» атты кітап-иллюстрациялық көрме әзірлепті. Онда С. Мәуленовтың өмірі мен шығармашылығы сан алуан қырынан ашылады.