БАЙҚОҢЫР. ҚазАқпарат - Байқоңыр қаласында суға батып кеткен 13 жастағы қыз баланың денесі екі күннен кейін табылды, деп хабарлайды ҚазАқпарат тілшісі.
Оқиға 4 шілде күні болды. Сол күні ол туыстарымен Сырдария жағасына демалуға келген.
«Оның денесін іздестіруге Қазақстан Республикасының Байқоңыр қаласында орналасқан төтенше жағдайлар және өрт сөндіру бөлімдері жұмылдырылды. Сондай-ақ, Арал ауданынан судан құтқару қызметінің сүңгуір мамандары шақырылды. Қыз баланың денесі екі күннен кейін суға түскен жерден төрт шақырымдай қашықтықтан табылды», - деп мәлім етті Қызылорда облыстық Төтенше жағдайлар департаменті өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
Жыл басынан бері Қызылорда облысында суға кетудің 16 оқиғасы тіркелді. Оның ішінде 7-еуі бала.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.