АСТАНА. Наурыздың 29-ы. ҚазАқпарат /Руслан Ғаббасов/ - Наурыздың 30 мен сәуірдің 1-і аралығында ҚР Мемлекеттік хатшысы - Сыртқы істер министрі Қанат Саудабаев Шығыс Еуропа елдерінде сапармен болады. Бұл туралы бүгін Сыртқы істер министрлігінде өткен апталық брифингте аталған ведомствоның баспасөз хатшысы Ілияс Омаров мәлім етті,
деп хабарлайды ҚазАқпарат.
Сапар барысында Минскіде, Киевте және Кишеневте Қ. Саудабаев үш мемлекеттің басшылығымен, Парламент жетекшілерімен, сондай-ақ сыртқы саясат ведомствосы өкілдерімен, саяси партия көшбасшыларымен келіссөздер жүргізетін болады.
Аталған сапар аясында ҚР Мемлекеттік хатшысы Тирасполь қаласында болады деп күтілуде.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.